Goeiemoarn!
Resinsje troch Gerbrich
It boek Goeiemoarn! is in waarme, fleurige start fan ’e dei foar lytse bern én harren âlden. It ferhaal giet oer it libben fan in lyts berntsje – mei alle moaie, gewoane mominten fan in bernedei. Fan ’t bêd komme, oanklaaie, yn bad, ite, boartsje mei knuffels en popkes, en bûtendoar boartsje – alles komt op in leaflike en werkenbere manier foarby.
Wat it boek sa spesjaal makket, binne de prachtige plaatsjes fol kleur en detail. Elk bledsje is in ûntdekkingstocht: it berntsje wurdt begelaat troch in leave, sêfte poes en hy nimt de teddybear oeral mei hinne. Bern sjogge harren eigen wrâld werom yn it ferhaal: it bêd, de pyama, it bad en de tún. Dêrtroch falt it boek tige yn ’e smaak by ús thús.
De rymkes yn Goeiemoarn! binne koart en ritmysk, hiel geskikt foar jonge bern. Se binne maklik te ûnthâlden en hearlik om foar te lêzen.
It boek bringt net allinnich wille, mar ek rêst en rûtine yn de moarn. Wy lêze it graach nei it moarnsiten of foar’t wy nei bûten geane. Dêrneist is it in moaie manier om op in natuerlike wize Frysk mei dyn bern te praten, sels ast dat thús net altyd dochst.
Goeiemoarn! is in leaf, foarlêsfreonlik boek dat hiel goed past by de wrâld fan jonge bern. In echte oanrieder!
Groetnis Fetze en Gerbrich
Goeiemoarn!
Sân rymkes foar lytskes oer iten, lêzen, sliepen en oare werkenbere mominten troch de dei hinne.
In skattich kartonboekje mei yllustraasjes fan Marijke Klompmaker.
Boekresinsje fan Tineke: ‘Klút & Mients ûntdekke eb en floed’
Babygedrach by boarstfieding
Troch boarstfieding te jaan folgest it ynstinkt fan dyn berntsje. Ek it liif fan de mem docht automatysk it goede. Dochs wol it soms net of is it gewoan handich om mear te witten. Laktaasjekundige Marije Bosma fertelt oer normaal babygedrach by boarstfieding. ‘Troch sinjalen te herkennen kinst dyn berntsje better helpe.’
In Fries om utens
Namme: Sytske Sikkema (38 jier)
Wennet yn: Terrassa, Spanje
Mei: Sergio, Jan (3 jier) en Lys (9 moanne)