Fryske lesbrieven
Wolst wat mear dwaan mei in boek as allinne foarlêze? Hjirûnder fynst in oersjoch fan alle Fryske lesbrieven, mei alderhanne suggestjes foar aktiviteiten by it foarlêzen.
De measte lesbrieven binne makke foar de ‘Nationale Voorleesdagen’, dy’t jierliks yn jannewaris plakfine. Yn dy lesbrieven fynst in Fryske oersetting fan it Nederlânske printeboek fan dat jier.
Besjoch hjir alle Fryske berneboeken dy’t passe by it tema fan dit jier van de ‘Nationale voorleesdagen’.
Klik op it plaatsje fan de lesbrief foar de pdf.
Lekker foarlêze!
Rinus (2025)
Rinus syn pake wie eartiids in hiele wylde en sterke noashoarn. Mar no is pake âld. It leafst leit er de hiele dei wat yn it skaad te slûgjen. Hjoed past er op Rinus. En dy wol boartsje en wyld hinne en wer drave!
Wat in rommel!
In eksterpear bout in nêst foar harren prachtige aaikes. Al gau miene se dat in gewoan nêst net goed genôch is en se komme mei fan alles en noch wat oansetten, it spul wurdt hoe langer hoe grutter, sels in auto wurdt nei it nêst tôge, oant…In hearlik printeboek oer wat tefolle rommel docht…
Ik moat sa noadich! (2024)
Eva sil mei har mem en lytse broerke nei de merk. Mar o jee, as se dêr noch mar krekt binne, moat Eva nei de wc. Fluch, ik moat sa noadich!
Maximiliaan Modderman jout in feestje (2023)
Maximiliaan Modderman is allinnich thús en organisearret in feest foar syn boartersguodbisten.
Mei taart!
It wurdt in wyld feest.
En in fiis feest.
Wat sille ús mem en ús heit sizze as se thúskomme?
Mar earst fong ik in meunster (2022)
Elke âlder werkent it: gau efkes ynstopje, okee dan noch efkes in ferhaaltsje, mar koart … en dan begjint it.
Dit printeboek is net allinnich om foar te lêzen.
Ek as gearlêsboek is it in feest: it mei-inoar boartsjen tusken de hastige folwoeksene en it bern dat him of har útlokt noch fierder te fertellen, sil in soad fleurichheid opsmite. Tjibbe Veldkamp skreau in ferhaal dat nea út is. In oade oan de fantasy en de betsjoenende krêft fan ferhalen: it ideale boek foar elk bern dat nea genôch foarlêzen wurde kin.
Koko kin it! (2021)
Hjoed is in bysûndere dei.
Alle babyfûgels sille foar it earst fleane.
Allinne Koko doart net.
Wat as se falt?
Of as de kat har grypt?
Mar as it wól slagget, kin se mei har freontsjes moaie foarmen fleane.
Is Koko klear om de wjukken út te slaan?
Prottelein (2020)
In prottelboek om fleurich fan te wurden!
Eend is prottelich. Har fiver is opdrûge en der is gjinien dy ’t mei har spylje wol. Alteast… Dat fynt sy.
Want se wol net gatten grave mei hûn.
Net mei Varken yn de modderpoel.
Net kraaie mei Haan. Net soeze mei Schildpad.
Net in lekker hapke ite mei Geit.
Dus…
In hûs foar Harry (2019)
Harry is altyd yn ‘e hûs. Oant Yfke freget om tikkerke te dwaan. Hy draaft achter har oan en rekket it paad kwyt. Hoe komt er no wer thús?
Ssst! Tiger sliept Ssst! (2018)
De tiger sliept en we wolle har net wekker meitsje.
Der is allinnich in probleem: alle bisten moatte der del en se leit freeslik yn it paad.
Hoe sille se dat oplosse?
Gelokkich hat de tûke kikkert in idee: alle bisten sweve ien foar ien mei in ballon oer de tiger hinne.
De lytse walfisk (2017)
Boi wennet mei syn heit en seis katten yn in lyts fiskershúske. Op in moarn fynt er in lytse walfisk dy’t op it strân oanspield is. Dat is it begjin fan in bysûndere freonskip…
Fryske berneboeken op tema
Der wurde prachtige Fryske berneboeken útjûn. Wy ha alle boeken foar jimme op tema set, lykas de seizoenen, feestdagen mar ek tema’s as ferstopperke of kleur en foarm. Wy winskje jimme in protte foarlêswille ta!
BoekStartcoach en Lees- en mediaconsulent Miny Verheij
‘Sjoch mem, dat is dy mefrou fan it konsultaasjeburo dêr’t ik fan ’e moarn dat boek mei besjoen haw!’ Het is woensdagmiddag en Jelte komt met zijn moeder de bibliotheek van Buitenpost binnengelopen.