De resinsje fan Hilde oer Tomke syn jierdei
We krije wer in slúf fan de Afûk oer de post. Entûsjast meitsje ús dochters de slúf iepen. In boekje oer Tomke. We lêze graach oer de aventoeren dy Tomke belibbet. Ek dit boekje falt fuortendaliks yn de smaak. It is net in ‘gewoan’ boek mei losse siden. It boek flapt as in soart fan harmoanika út.
It boekje telt yn 7 nachtsjes ôf nei Tomke syn jierdei ta. Mei de kalinder dy wy by it boekje krigen hawwe kinst sels ek 7 nachtsjes ôftelle oant dyn jierdei. Alle personaazjes dy wy fan Tomke kenne komme foarby. Se ha allegear in oare rol yn de tarieding op Tomke syn jierdei. It ferhaal is op rym skreaun. Dat lêst flot en sprekt de bern altyd wol oan. Kornelia fertelt Tomke oer it feestje en de besite dy’t te taartiten komt. Romke nifelet moaie slingers fan kleurde papierstroken. Yana Yu hat in geheimke. Juf Klaske makket in feesthoed. Bakker Broadsje bakt de taart. Buorman Piter is oan ’t spyljen, noch ien nachtsje sliepe oant Tomke syn jierdei: HIEPERDEPIEP HOERA!
It boekje is oan beide siden beprinte. Op de iene side mei it ferhaaltsje, op de oare side mei feestlike yllustraasjes. Foar de jongsten moai om te beneamen wat dêrop te sjen is en sa de wurdskat út te wreidzjen. Yn it boekje wurde ek de dagen fan de wike beneamd. Leuk om te oefenjen mei de âldste.
It is in fleurich boekje. It ûnderwerp sprekt de bern oan. De eigen jierdei is ek altyd sa spannend! En wat duorret it wachtsjen altyd lang oant it safier is! Mei dit boekje wurdt it wachtsjen krekt wat nofliker.
Nijsgjirrich wurden nei dit leuke boekje of hat ien fan de bern (yn de omjouwing) hast de jierdei? Tomke syn jierdei is in goeie tarieding op in bernejierdei en alles wat derby heart. Geskikt foar pjutten en beukers (0-4 jier).
Hilde van Kalsbeek, mem fan Marij (4) en Else (2) út Warkum.
-> Hilde is lid fan it Afûk-boekpanel. Wolsto dy ek oanmelde, boeken tastjoerd krije en dêr wat oer skriuwe? Sjoch dan hjir foar mear ynformaasje.
Tomke syn jierdei
Dit kartonnen úttearboekje Tomke syn jierdei ferskynt nei oanlieding fan it 25-jierrich jubileum fan Tomke. Tomke kin hast net wachtsje, mar hy moat noch sân nachtsjes sliepe foardat it feest is.
De resinsje fan Annemarieke: ‘Tomke nei de bosk’
Wy krigen in oantal wiken werom it boekje fan Tomke nei de bosk. Ien fan de boekjes oer de fjouwer seizoenen, dêr’t wy wat oer fertelle meie. Us Maaike hat it doaske út de brievebus helle en freget oan mem: ‘Wat sit hjiryn?’ Mem seit: ‘In kadootsje foar dy!’ Maaike pakt it entûsjast út en ropt nei mem: ‘Nij boek foar my!’
Jierdeikalinder foar pjutten- Resinsje Sietske
Resinsje Jierdeikalinder toch Sietske – mei ferskes en gedichtsjes fan Geartsje Douma
Boekresinsje fan Wietske: Ik wol in bosk op ’e jierdei
Voor mij ligt een vrolijk gekleurd boek met een titel waar onze kinderen gelijk nieuwsgierig van worden. “Een bos op je verjaardag? Hoe kan dat nou? Mem, dat kan toch niet echt?” zegt de jongste. De middelste heeft er wel een idee bij: “Misschien kun je wel een boom planten, mem.” Mooi om alleen naar aanleiding van de voorkant al met elkaar in gesprek te zijn.
Fryske apps foar bern
Der komme hieltyd mear apps by, gelokkich ék Fryske! Wy sette se allegear foar jim op in rychje.