Resinsje Pim en Pier troch Harmke
Dit boek is ynspirearre op in wierbard ferhaal. In kranteknipsel dêroer is oan ’e ein fan it boek te finen.
Pim en Pier, it boek fan Joke Scheffer en yllustrator Wim Swart is in moai foarmjûn boek mei in eigentiidsk ferhaal. In pinguin-homostel wol ek graach in lyts pykje, mar hoe kinne je dat as twa mannen foarinoar krije? Pim en Pier ha ferskillende ideeën, Joke Scheffer nimt de lêzer mei yn de syktocht fan beide mannen.
Dit boek is ynspirearre op in wierbard ferhaal. In kranteknipsel dêroer is oan ’e ein fan it boek te finen. Dy ekstra feitsjes binne ek nijsgjirrich foar heit en mem. Der is boartlik gebrûk makke fan de foarmjouwing yn de letters en sinnen, dat jout in ekstra aardich effekt.
Us soan wie al gek op pinguins, mar troch dit boek noch mear. Pinguins neamt er no al Pim, nei ien fan de twa haadpersoanen út it boek. Pim en Pier wurde oan it begjin fan it boek foarsteld. Pim hat in mûtse op en Pier in sjaal om. Sa binne de beide oansteande heiten goed te werkennen troch it ferhaal hinne. Pim en Pier sjogge der nei út om de leuke dingen dy’t se no tegearre dogge, sa as búkglydzje, fiskjes sline en oer it iis waggelje, ek mei in pykje te dwaan. It ferhaal hat in moai rûn ein, trije kear riede wat it pykje mei syn heiten docht oan ’e ein fan it boek. Jawis: búkglydzje, fiskjes sline en oer it iis waggelje.
Dit boek is net allinnich moai en leuk, it is ek goed foar bern dat se fanôf jonge leeftiid ferhalen hearre oer in oare gesinssituaasje as in tradisjonele húshâlding. Dêrneist is it fijn om wer in boek fan in Fryske skriuwer te hawwen. Wy sjogge út nei it folgjende ferhaal fan Joke Scheffer en Wim Swart.
Pim en Pier
Pim en Pier binne twa mantsjepinguins. Se binne altyd byelkoar. Pim soe hiel graach in pykje ha wolle mei Pier, mar hoe moatte se dat ha? En soene se it pykje dan wol tegearre grutbringe kinne?
In waarm printeboek, ynspirearre op in wierbard ferhaal.
Leeftyd: 3 – 5 jier.
Resinsje fan Maaike: Tys & Teske foarlêsboek
Oan it ein fan de simmer falt der in nij boek op de matte. It is it boek fan Tys en Teske. By Jurjen al wol bekend fan de berne-opfang. “Tys, Tys!” ropt hy fuortendaliks at we it papier om it boek weihelje. Op de foarkant fan it boek sitte Tys en Teske yn in selsboud fleantúch, wat ek wol op goedkar rekkenje kin fan ús Jurjen.
De recensie van Sytske Anne: Tys en Teske foarlêsboek
Het Tys en Teske-voorleesboek is een vrolijk, gevarieerd en herkenbaar voorleesboek, geschreven voor peuters en jonge kleuters. Het boek gaat over de twee vrolijke vriendjes Tys en Teske. Het begint met een liedje en bevat daarnaast 25 korte voorleesverhalen die aansluiten bij het dagelijks leven van jonge kinderen. Ieder verhaaltje beslaat twee pagina’s, met één grote kleurrijke afbeelding of één grote en één kleine afbeelding.
De recensie van Patricia: It Waad
Als echte Waddenliefhebbers waren we meteen ontzettend blij toen we dit Friese kinderboekje over de Waddenzee in handen kregen. Dat begon al bij de omslag: heerlijk kleurrijk en voor ons een feest van herkenning. De lepelaar en de vuurtoren zorgen direct voor een vrolijke en aansprekende binnenkomer.
De resinsje fan Wytske Jongbloed: Ate en de seeheks
Klifmantsje Ate, of moatte wy sizze klifwyfke Atalanta of Atsje, wennet yn it wite klifhûs oan it Marderklif. Op in dei bringt postdo Hipke him in wichtige brief fan syn omke Simen. Omke Simen hat lêst fan rinneritus en hat dêrom de help fan Ate nedich. Om te helpen moat Ate wol in besite bringe oan de gefaarlike seeheks yn Laaksum…